Donso Ŋana

Notes

Coming soon

Listen

Listen & Read

01 {Musical Intro}
02 Ɔ̀, ò tùma ná sá, ní án tɛ̀mɛnna ní kà bɔ́ ò lá sá — kàramɔgɔ — ò Masa Kuru dè sɔ̀rɔla kà lában
03 àle dè tùn yé dònso yé Bɛndugu Ɲamana, ɲàma dùndunbafɔ ní ɲàma kɛ́nkɛnfɔ.
04 {Musical Pause}
05 Ò dè Bitɔn Kulibali ká mɔ̀gɔfagadonso, àle tùn yé dònso ŋàna ye, àle dè yé sògo bón Bɛndugu Ɲamana,
06 sògo sɔ̀rɔla kà lában ní kà nɛ̀gɛ dòni.
07 Sògo yé nɛ̀gɛ dòni tùma mín ná, à yé í dɛ̀mɛdɛmɛ kómi í ná à fɔ́ fúru júgu.
08 À yé bánin tìgɛ ní kà sɔ̀rɔ kà lában, kà nà kà na í dá bába dá lá yàn nɔ̀.
09 À dálen bába dá la, à sɔ̀rɔla kà lában ní kà tága, kà tága sé — ń ká í ɲìninka — Segukɔrɔ.
10 Ò dón jínɛsokala bɛ́ Segukɔrɔ gún kàn.
11 Jínɛw dàma dè bɛ́ à lá, sògo nìn yé nɛ̀gɛ dòni kà nà kà nà í dá Segukɔrɔ gún kàn.
12 {Musical Pause}
13 Sògo nìn yé nɛ̀gɛ dòni tùma mín ná, ní kà nà kà nà í dá Segukɔrɔ gún kàn,
14 cɛ̀ba kɔ̀rɔ sɔ̀rɔla kà lában ní kà nà í lábɛn à ká dònsoya másiriw lá.
15 {Musical Pause}
16 À yé í lábɛn à ká dònsoya másiriw lá tùma mín na, à yé wɔ́lɔ kùlusi tà ní kà ò dòn à kán ná.
17 À yé wɔ́lɔ dɔ̀lɔki tà ní kà ò dòn à kán ná.
18 Wɔ́lɔ kùlusi ní wɔ́lɔ dɔ̀lɔki dònnen tùma mín ná,
19 ní cɛ̀ba kɔ̀rɔ sɔ̀rɔla kà lában ní kà wòlomasiri tà,
20 ní ò yé cɛ́sirijala yé, ni kà í cɛ́ sìri,
21 à̀ni wólo kùnbaw jɔ̀len tùma mín na, cɛ́sirijala bɛ́ à lá.
22 À sɔ̀rɔla kà lában ní kà nà kà na npálanba tà ní kà ò dúlon à kɛ̀rɛ la.
23 Npálanba dúlonnen tùma mín ná Bitɔn Kulibali ká mɔ̀gɔfagadonso kɛ̀rɛ la,
24 à yé dònsobanfulaw tà ní kà òlu dòn à kùn ná.
25 Dònsobanfula dònnen Bitɔn Kulibali ká mɔ̀gɔfagadonso kùn ná tùma mín ná,
26 à sɔrɔla kà lábán ní kà í sàra à wólobagamuso lá. Ɛ́ɛ! À kó màma. Kó náamu.
27 Ɛ́ɛ! À kó màma. Kó náamu. À kó ná dúman bɛ́ɛ lájɛrɛlen jù yé jí yé!
28 Ɛ́ɛ! Ò kó mùn kósɔn? À kó né yé sògo bón sú rɔ́.
29 Ń yé à dɔ́n sògo nìn à má tó à bónyɔrɔ fɔ́lɔ lá, à yé ń ká nɛ̀gɛw dòni.
30 À tágalen bɛ́ fàn mín fɛ̀, ń bɛ́ à fɛ̀ kà ń ká sògo nɔ̀bɔ,
31 ní ń ká nɔ̀bɔ kúnna à lá.
32 {Musical Outro}

Listen & Read With Notes

Coming soon

Comprehension

Coming soon

Vocab

Vocab will be here at some point!

Feedback

Email

Feedback Page