Transcript
Sungurun ye jɔn ta ye?
Kamalen saba tun bɛ to ka kɛ ɲɔgɔn fɛ. U nana sungurun kelen sɔrɔ. Dɔ ko: "An bɛ taga yaala. N'an ye wari sɔrɔ, an bɛna fini san k'à don sungurun kan na. U taara yaala-yaala.
Dugare tun bɛ dɔ fɛ. Sabara tun bɛ dɔ fɛ. Fura tun bɛ dɔ fɛ.
Tile dama tɛmɛnen kɔ, dugaretigi y'à fɔ ko: "Ne bɛ filɛli kɛ n ka dugare la."
À ye filɛli kɛ n'à ye ko sungurun sara. À ko: "Sungurun sara."
Sabaratigi ko: "À ye na sisan. An bɛ jɛ ka senw don sabara la. An bɛna se yen sisan, janko an bɛna sungurun su sɔrɔ k'à don.
Furatigi ko: "N'an sera yen sisan, à bɛna kunun." U jɛra ka senw don sabara la. U sera sungurun ka dugu la.
Furatigi taara sungurun lakunun. À ɲɛnamayara kokura ka kɛ mɔgɔ ye. Dugaretigi ko k'ale ta don. Sabaratigi ko k'ale ta don. Furatigi ko k'ale ta don.
O mɔgɔ saba la, sugurun ye jɔn ta ye?