SITUATION: A narrator speaks about the role and merits of Jula women in Ivoirian society.
Transcript
Julamuso ɲɔgɔnna baarakɛla ka dɔgɔ Farafinna musow la. Julamuso bɛ baara bɛɛ suguya dɔ kɛ. Ni julamuso bɛ sɛnɛkɛla kun, à bɛ sɛnɛbaara kɛ. À bɛ gwa kɛ ka denw lamɔ. À b'à cɛ ni denw bɛɛ ka faniw ko ka fara à yɛrɛ taw kan. Ni sɛnɛbaara banna, à bɛ yɛrɛmali kɛ ka denbaya bɛɛ makoya laɲa. Ni julamuso ka kɛ safɛrikɛla kun, à fana bɛ jago kɛ ka fara à ka so-kɔnɔ-baara kan. Julamuso dɔw bɛ fɛntigi ye ka tɛmɛ cɛw kan, k'à masɔrɔ u ka baara-kɛ-kojuguya ni u garijɛgɛ fɛ. Nka hali ni julamuso kɛra fɛntigi ye, ɲa o ɲa, à tɛ se ka à yɛrɛ fisaya à cɛ kan. À tɛ- à t'à yɛrɛ bonya à ka so-kɔnɔ-baara ni à cɛ-labato ma. Fɔlɔfɔlɔ, julamuso ka fosi tun tɛ politiki la. Nka sisan, muso bɛ u sen bila dugu ni jamana ko bɛɛ la.