Donsokɛ ni kungo-kɔnɔ-sogow

SITUATION: A man tells a folk tale (nsiirin) about a hunter and the wild animals of the bush.

Transcript

Donsokɛ ni kungo-kɔnɔ-sogow!

Donsokɛ dɔ n'à ba tun sigilen bɛ dugu dɔ la. À ba tun kɔrɔlen don kosɛbɛ. Donsokɛ tun tɛgɛ ka di kosɛbɛ. N'à ye sogo bon, à t'à jɛ. Kungo-kɔnɔ-sogow bɛɛ diminna à kɔrɔ sabu à y'u caman faga. Don dɔ, sonsan y'à yɛrɛ yɛlɛma ka kɛ muso ye ka na donsokɛ ka so. À tun cɛ ka ɲi kosɛbɛ.

À ko: "Ne bɛ bɔ kungo la. N y'i tɔgɔ mɛn yɔrɔ bɛɛ. N b'à fɛ i ka n furu. Muso cɛɲɛ n'à ka sara ma (dun-) [NOTE: His mispeaks] kun donsokɛ la. À ye muso furu o yɔrɔ bɛɛ. Hali à m'à sara à somɔgɔw la. À ba y'à mɛn tuma min ko à ye muso furu, o dusu kasira. À y'à dɔn ko à ko laban ye ɲani ye.

Kalo damadɔ tɛmɛnen, sonsan ko: "Nin ye an furulen kalo fila ye. N b'à fɛ an ka taa i ka taa i ɲɛda n somɔgɔw kan."

Donsokɛ ko: "O tɛ baasi ye."

Sani u ka taa, à muso ko: "I ka wulu siri! I kana i ka marifa ta, sabu foyi t'i sɔrɔ sira la."

À ba ko: "Kana taa ka i ka marifa to!"

Nka donsokɛ sɔnna à muso ka kuma de ma. U janyalen kungo kɔnɔ, à muso y'à ka file fiyɛ. Kungo-kɔnɔ-fɛnw y'u koori. U tun b'à fɛ ka donsokɛ faga, nka à y'i pan ka jiri minɛ k'à yɛlɛn. À kulela k'à ba wele. O y'à dɔn min kɛra. O ye wuluw foni. U bolila ka taa à nɔ fɛ.

Kungo-kɔnɔ-fɛn ye wuluw gɔngɔn ye tuma min, u bɛɛ bolila ka donsokɛ to jiri kan. À jiginna ka taa so, à n'à ka wuluw. À ko à ba ma, "N muso y'à yɛrɛ yɛlɛma ka kɛ sogo ye. À tun b'à fɛ k'an faga. N y'à furu sa. N tɛ taa kungo kɔnɔ, ni marifa tɛ n bolo tugun."

Kabini o kɛra, donsow tɛ taa kungo kɔnɔ ni u ka marifa ni u ka wuluw (t'u) [NOTE: He mispeaks here slightly] fɛ.

auto-accordion

Feedback

Email

Feedback Page