Suruku ani Nsonnanin

This folktale (nsiirin) comes from Travélé 1913.

Suruku ko nsonannin ma: "N dɔgɔkɛ nsonsan, anw ka taga jɛgɛ minɛ wa?"
Nsonannin ko: "Ayi, n kɔrɔ suruku, n tɛ taga jɛgɛ minɛ, nka n na jɛgɛ dun."

Nsonsannin tagara i da sira la k'à yɛrɛ kɛ su ye. Suruku jɛgɛsegitigi natɔ ye nsonsansu kelen dalen ye sira kan. Suruku ko: "Jɛgɛsegi kelen ni nsonsansu kelen mana bila ɲɔgɔn na, jɛgɛsegi ka fisa sonsansu kelen ye." À ye dɔɔnin tagama, à ye kelen wɛrɛ ye tugun, fo ka taga o sera nsonsan naani ma.

À selen naaninan ma, o ko: "Ni n ye sonsansu naani ta ka u fara jɛgɛsegi kan, n na sogoba dun." À ye à ka segi sigi ko à bɛ taga sonsansu saba ta. À tagara, à ma nsonsansu si sɔrɔ à nɔ na. Sanni à ka segin, à ye à sɔrɔ nsonsannin ye jɛgɛsegi ta ka taga ni o ye a ka so.

Suruku ma jɛgɛsogo dun, à ma nsonsansogo dun.